Humari adhuri kahaani..

Filmy sa lagta hai.. Yeh falsafa meri zindagi ka,
Jab jab tujh pe aitbaar karne jee kiya aye zindagi.. tune ek baar phir dokha diya

Light, Camera n Action,
Camera rolling, start sound n dialogues..
Bilkul aise hi kuch entry li usne us din..
Exit hote hote entry kar gaya..

Woh sab chatting, sharing aur fb connect.. koshish ki ek dusre ko achhe se  janane ki..

Shayad kuch darr reh gya tha uske mann mein humare rishte ko lekar..
Kabhi kabhi bolte hue bhi chup sa reh jata tha woh..

Kehta tu bolti achhi lagti hai.. tujhe aur sun ne mann karta hai,

Mujhe andaza to tha uski khamoshi ka, uski chuppi ka..
Laga tha shayad is baar tujh pe aitbaar kar ke dekhun aye zindagi,

Tune jo milaya mujhe is ajnabi se jaane anjaane mein.. Shayad Yeh mulaquat ek hit story ban jaati..

Par jab tak twist n turn aur thrill na ho, to kahaani thodi boring si nhi ho jaati..

Tere masale ke chakkar mein aye zindagi,
Yeh dil judte judte ek baar phir chakna chur ho gya..

Yaad aate hain woh pyaare se pal jab woh saamne baithe bhi aankhein churane lagta,

kuch kehne lagta phir ruk jata.. Kabhi hasne lagta, bas ek ashuri si kasak chor jata..

Uska chup ke muskurana.. mere haathon ko apne haathon mein le kar yun har jagah tafri karne lag jana..

Aaj bhi kuch to baaki hai aisa hi lagta hai.. varna lazmi to nhi abhi bhi uska har waqt khayal mein aana!!!