Tumhe dekha tumse mili.. aur tum se baatein bhi ki..
Kabhi hasi, khilkhilayi.. kabhi khamosh baithi tujhe takti rhi,
Laga ki chhu loon.. ki mehsoos kar ke dekhun.. ki yeh kahin koi khwabgah to nhi..
Haqiqat hai yeh guzarta samma.. khwab nhi hai yeh mera...
Tu baitha hai mere saamne aur baatein kar rha hai mujhi se,
Yeh aankhon ki aankhon se baatein.. behte paani ke sang lehrata chalta har pal..
Waqt to jaise tham hi gaya ho humare liye par ghadi ki sui ki tik tik chalti rhi har minute..
Kon the humare aas paas.. kya koi sun rha tha humari yeh baat..
Na tujhe yeh fikr thi.. na mujhe yeh ehsaas,
Tham sa gya tha samma jaise..
par thamma nahi tera mera saath..
Kareeb hote gye har beet te pal ke saath.. mit ti gyi woh har duniyadaari ki diwaar,
Teri aankhen keh rhi thi kuch..
aur honth kuch aur bayaan kar rahe the,
kya yeh bhi mera khayal hai..
ya darmiyaan humare shuru ho gyi hai yeh maasoom sharartein..
Tumhe dekha tumse mili.. aur tumse baatein bhi ki..!
No comments:
Post a Comment