Yeh baat hai agli saver ki.. jiska kar rhi thi main intezaar badi shiddat se,
Laga tha kal ke baad ki jaise dikhne laga hai ab kuch saaf saaf is dhundle se sheeshe ke paar..
Par kohra to abhi tha barkaraar is sheeshe ke baahar,
Bhul gyi thi ki yeh garmahat to meri saanson ki hai..
Par bahar ki thandi hawa to abhi bhi kayam hai,
Waqt lagta hai is thand ko dhalne mein..
Leti hai angadaayi dhup dheere dheere.. aur badalte hai rang yeh patte badalte mausam ke sang..
Waise hi badalega tera mera rishta.. is beet'te lamhen ke saath..
Dekhta hai kya rang laati yeh zindagi.. main chahti hun dekhna ki kya deti hai yeh mujhe..
Ik dost, ik humsafar ya rah chalta musafir jo mila tha mujhe bas pal do pal ke liye!
No comments:
Post a Comment